پاک فضائیہ کا لڑاکا تربیتی طیارہ گر کر تباہ

اٹک : پاک فضائیہ کا لڑاکا تربیتی طیارہ گر کر تباہ ہوگیا تاہم دونوں پائلٹ جہاز سے بحفاظت اترنے میں کامیاب رہے۔

تفصیلات کے مطابق پاک فضائیہ کا لڑاکا تربیتی طیارہ اٹک کے قریب گر کر تباہ ہوگیا ، ترجمان پاک فضائیہ کی جانب سے بیان میں کہا گیا ہے کہ لڑاکا طیارہ معمول کی تربیتی پرواز کے دوران اٹک کے قریب گر کر تباہ ہو ا تاہم دونوں پائلٹ جہاز سے بحفاظت اترنے میں کامیاب رہے۔
ترجمان کا کہنا ہے کہ حادثےمیں زمین پرکسی جانی و مالی نقصان کی اطلاع نہیں ملی، واقعے کی وجوہات جاننے کیلئے ایئرہیڈ کوارٹرز نے اعلیٰ سطحی بورڈ تشکیل دے دیا ہے۔

یاد رہے گذشتہ سال یوم پاکستان کی ریہرسل کے دوران پاک فضائیہ کا لڑاکا طیارہ ایف – 16 گر کر تباہ ہوگیا تھا ، طیارہ حادثے میں ونگ کمانڈرنعمان اکرم شہید ہوئے تھے۔

بعد ازاں اپریل میں پاک فوج کامشاق طیارہ گجرات کےقریب گرکرتباہ ہوگیا تھا ، حادثے کے نتیجے میں دونوں پائلٹ میجرعمر اور لیفٹیننٹ فیضان شہید ہوگئے تھے۔

اپنا تبصرہ بھیجیں