آسٹریلیا میں تاریخ کا خوفناک زلزلہ ، کئی عمارتیں‌ زمین بوس


آسٹریلیا کا شہر میلبرن خوفناک زلزلے سے لرز اٹھا ، جیولوجیکل ڈیپارٹمنٹ کا کہنا ہے کہ زلزلہ آسٹریلیا کی تاریخ میں شدید زلزلوں میں سےایک ہے۔
تفصیلات کے مطابق آج آسٹریلیا کے شہرمیلبرن میں 6 شدت کا زلزلہ آیا ، جس کے باعث متعددعمارتیں گرگئیں، جیولوجیکل ڈیپارٹمنٹ کا کہنا ہے کہ زلزلہ آسٹریلیا کی تاریخ میں شدید زلزلوں میں سےایک ہے۔
زلزلے کا مرکز میلبورن سے 200 کلومیٹر شمال مشرق میں ریاست وکٹوریہ کے دیہی قصبے مانس فیلڈ کے قریب تھا اور گہرائی چھ میل تھی۔
زلزلے کی شدت اس قدر شدید تھی کہ لوگ خوفزدہ ہو کر سڑکوں پر نکل آئے، حکام نے صورتحال کے پیش نظر ایمرجنسی نافذ کر دی ہے۔
زلزلے کے جھٹکے ملک کے دوسرے بڑے شہروں میں بھی محسوس کئے گئے تاہم ابھی تک کسی ہلاکت کی اطلاع موصول نہیں ہوئی ہے

اپنا تبصرہ بھیجیں